काठमाडौं । प्रतिपक्षमा रहेका दलहरूले आज प्रधानमन्त्री केपी शर्मा ओलीलाई ज्ञापनपत्र बुझाउने तयारी गरेका छन् ।

बाढीपहिरो प्रभावितलाई राहत तथा सामसामयिक राजनीतिक विषयमा ध्यानाकर्षण गराउन प्रतिपक्ष दलहरूले सोमबार ज्ञापनपत्र बुझाउन लागेका हुन् ।

गत शुक्रबार नेकपा (माओवादी केन्द्र) का अध्यक्ष एवं पूर्वप्रधानमन्त्री पुष्पकमल दाहालको आह्वानमा प्रतिपक्ष दलहरूको बैठक बसेकोमा त्यसले प्रधानमन्त्रीलाई ज्ञापनपत्र बुझाउने निर्णय गर्दै कार्यदल नै गरेको थियो । कार्यदल सदस्यमा माओवादी केन्द्रका शक्ति बस्नेत, नेकपा (एकीकृत समाजवादी) बाट राजेन्द्रप्रसाद पाण्डे र रास्वपाबाट शिशिर खनाल सदस्य छन् ।

प्रधानमन्त्री पुष्पकमल दाहालको सचिवालयका अनुसार कार्यदल सदस्यले सोमबार प्रधानमन्त्रीलाई भेटेर ज्ञापनपत्र बुझाउने छन् ।

ज्ञापनपत्र बुझाउन प्रतिपक्षी दलले प्रधानमन्त्रीसँग ४ बजेको समय पाएका छन् ।