काठमाडौं । सन नेपाल लाइफ इन्स्योरेन्सको चौथो वार्षिक साधारण सभा हुने भएको छ । सन लाइफले शुक्रबार सूचना जारी गदै वार्षिक सधारणसभाबारे जानकारी दिएको हो ।

सन लाइफका अनुसार उक्त सभा वैशाख ९ गते दिउँसो चार बजे हायात प्लेसमा आयोजना हुन लागेको छ । सन लाइफले सेयरधनीलाई साधारण सभामा उपस्थित हुनका लागि आह्वान गरेको छ ।

इन्स्योरेन्सले साधारण सभामा आर्थिक वर्ष ०७६/७७ को वार्षिक प्रतिवेदन पारित गर्ने, आव ०७६/७७ को लेखापरीक्षण प्रतिवेदन, वासलात, नाफा/नोक्सान हिसाव, नगद प्रवाह वितरणसम्बन्धी अनुसूची तथा एनएफआरएस प्रणाली लागू गरी वित्तिय विवरणमाथि छलफल गरी पारित गर्ने कार्यक्रम तय गरेको छ ।

त्यस्तै आव ०७७/७८ को लागि लेखापरीक्षक नियुक्ति र पारिश्रमिक निर्धारण गर्ने प्रस्ताव कम्पनीले गर्दै छ । त्यस्तै कम्पनीको पुँजी वृद्धि गर्ने लगायत प्रवन्धन तथा नियमावलीमा संशोधन गर्ने, सञ्चालक समितिमा संस्थापक सेयरधनीबाट प्रतिनिधित्व गर्ने ४ जना सञ्चालकको निर्वाचन गर्ने, नियमनकारी निकायबाट संशोधन सम्बन्धमा कुनै सुझाब वा निर्देशन आएमा उक्त कार्य गर्न सञ्चालक समितिलाई अख्तियारी प्रदान गर्ने लगायतका प्रस्तावहरु परित गर्नेछ ।