काठमाडौ । धितोपत्र बजारमा शेयर कारोबार मापक नेप्से परिसूचक आज ओरालो लागेको छ । नेपाल स्टक एक्सचेञ्जका अनुसार नेप्से परिसूचक १ दशमलव ८८ अङ्कले ओरालो लागेर दुई हजार छ सय ७५ दशमलव ५१ मा पुगेको छ ।

आज ३२० स्टकको एक करोड १६ लाख कित्ता सेयर खरिदबिक्री हुँदा ५ अर्ब २२ करोड रूपैयाँको कारोबार भएको छ ।

कारोबार भएका १३ उपसमूहमध्ये पाँच उपसमूहको सेयर शेयर मूल्यमा वृदद्धि भएको छ । विकास बैंक ०.७३, वित्त ०.७९, जलविद्युत ०.४६, म्युचल फण्ड १.०९ र व्यापार ०.२९ प्रतिशतले बढेको छ ।

कारोबार रकमको आधारमा नेपाल फाइनान्स लिमिटेडको सर्वाधिक ३५ करोड ३८ लाख ३९ हजार रूपैयाँको कारोबार भएको छ । त्यस्तै पिपुल्स हाइड्रोपावरको २३ करोड ९४ लाखको कारोबार भएको छ ।