काठमाडौं । मंगलबार बिहान गएको भूकम्पको केन्द्रबिन्दु तिब्बतको दिंगे कान्टी रहेको पाइएको छ । खानी तथा भूगर्भ विभागका अनुसार बिहान ६ बजेर ५० मिनेटमा ७ रेक्टर स्केलको भूकम्प गएको हो ।

दिङ्गे काउन्टी दक्षिण नेपालको सङ्खुवासभा र ताप्लेजुङ तथा दक्षिणपूर्वमा भारतको सिक्किम राज्यसँग सीमा जोडिएको छ ।

उक्त भूकम्पको धक्का काठमाडौं  उपत्यकासहित आसपास, तराई एवं पूर्वी नेपालका झापा, मोरङ, सुनसरी, उदयपुर, खोटाङ, ओखलढुङ्गा, भोजपुर, धनकुटा, तेह्रथुम, पाँचथर, इलाम, सोलुखुम्बु, सङ्खुवासभा, ताप्लेजुङलगायत जिल्लामा महसुस गरिएको छ ।

भूकम्प गएपछि मानिसहरू घरबाहिर निस्केका छन् ।

भूकम्पबाट भएको क्षतिको विवरण आउन बाँकी छ ।