काठमाडौ । कन्दरा ब्याण्डको सांगीतिक कार्यक्रमको मिति सरेको छ ।

यसअघि एफ सेभेन इन्टरनेशनलको आयोजनमा जनवरी ११ तारिख दुबईस्थित क्लब एस.के.सेभेन र १२ तारिख अबुधबीमा हुने भनिएको कार्यक्रम केही पछाडी हुन लागेको कन्दराले विज्ञप्तीमार्फत जानकारी गराएको हो ।

अब सो सांगीतिक कार्यक्रम UBOC Hospitality को आयोजनमा यहि जनवरी १८ मा बुर दुबई, युएईको क्लब एसके सेभेनमा हुने छ ।

कार्यक्रम नजिकिंदै जाँदा आयोजकले कार्यक्रमको पूर्ण तयारी सम्बन्धमा आश्वस्त नगरेमा कार्यक्रम रद्द अथवा स्थगित हुने अग्रीम जानकारी गराए अनुसार नै दुबईको कार्यक्रम रद्द भएको कन्दराले प्रेस विज्ञप्तिमा उल्लेख गरेको छ ।  दोहा कतारमा भने पूर्व निर्धारीत मिती र स्थानमा नै कन्दराको सांगीतिक प्रस्तुती हुने कन्दराले जनाएको छ ।