काठमाडौं । काठमाडौं महानगरपालिकाका मेयर बालेन शाहले खुलामञ्च र टुँडिखेल आफ्ना कार्यकर्तालाई दिन सरकारले अध्यादेश ल्याएको आरोप लगाएका छन् ।

सरकारले एकपछि अर्का अध्यादेश ल्याएर राष्ट्रपतिमार्फत जारी गराइरहेका बेला बालेनले यस्तो आरोप लगाएका हुन् ।

उनले खोला मात्र नभएर खुलामञ्च र टुँडिखेल पनि आफ्नो कार्यकर्तालाई दिन अध्यादेश ल्याइएको फेसबुकमा उल्लेख गरेका छन् ।

पछिल्ला अध्यादेश कार्यकर्तालाई सजिलो बनाउन ल्याइएको संकेत गर्दै उनले बधाई समेत दिएका छन् ।

‘अब खोला मात्र हैन टुडिखेल, खुल्लामन्च पनि आफ्नो कार्यकर्तालाई दिने अध्यादेश पास भएछ । बधाई छ सरकारमा रहेका कार्यकर्ताहरूलाई,’ फेसबुकमा मेयर बालेनले लेखेका छन् ।