काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछाने लामो समयपछि सिंहदरबार पुगेका छन् ।

प्रतिनिधिसभाका सभामुख देवराज घिमिरेलाई भेट्न लामिछाने केहीबेर अघि सिंहदरबार पुगेका हुन् ।

दुईबीच अहिले भेटघाट चलिरहेको छ । भेटमा रविले आफ्नो सांसद पद निलम्बन गरिनुको कारणबारे जिज्ञासा राख्ने बताइएको छ ।

सहकारी ठगी प्रकरणमा मुछिएका लामिछानेको सांसद् पद उनीविरुद्ध अदालतमा मुद्दा दर्ता भएसँगै निलम्वनमा राखिएको छ । प्रहरीले पठाएको पत्रका आधारमा संसद् सचिवालयले उनको सांसद पद निलम्बन गरेको हो । रवि र उनको दल रास्वपाले कानूनको अपव्याख्या गरेर निलम्बनको कदम उठाइएको भन्दै त्यसको आलोचना गर्दै आइरहेका छन् ।