सङ्खुवासभामा चट्याङ लागेर चार जना घाइते

मासु खाँदा हड्डी अड्किए के गर्ने, के नगर्ने ?

सङ्खुवासभामा चट्याङ लागेर चार जना घाइते — फाइल तस्बिर

रासस २०८२ वैशाख २ गते ८:०९

किमाथाङ्का । जिल्लाको खाँदबारी नगरपालिका–९, साठीमुरेमा चट्याङ लागेर एकै परिवारका चार जना घाइते भएका छन् ।

सोमबार साँझ हावाहुरी तथा पानीसँगै आएको चट्याङ लागेर खाँदबारी–९, साठीमुरेमा एकै परिवारका चार जना घाइते भएको जिल्ला प्रहरी कार्यालय, संखुवासभाका प्रहरी नायब उपरीक्षक दक्षकुमार बस्नेतले जानकारी दिए ।

चट्याङ लागेर कोपिला श्रेष्ठ, १८ वर्षीय छोरा गगन श्रेष्ठ, १८ वर्षीया बुहारी वविता मगर र १३ वर्षीया छोरी निरुता श्रेष्ठ घाइते भएका छन् । उनीहरू सबैको जिल्ला अस्पताल, सङ्खुवासभामा उपचार भइरहेको छ । अस्पतालका अनुसार, उपचाररत चारै जना खतरामुक्त छन् ।