गृहमन्त्री लेखकले भने- म विरुद्ध नियोजित ढंगले षडयन्त्र भइरहेको छ

नेपालवाच २०८२ जेठ १४ गते १७:४०

काठमाडौं । गृहमन्त्री रमेश लेखकले आफूविरुद्ध भइरहेको आक्रमण नियोजित, पूर्वाग्रही र षड्यन्त्रपूर्ण रहेको बताएका छन् ।

मंगलबार संसदमा बोल्न नपाएपछि गृहमन्त्री लेखकले पत्रकार सम्मेलन गर्दै उनले आफू राजनीतिक निशानामा परेको बताए ।

उनले भने, ‘मेराविरुद्ध नियोजित ढंगले आक्रमण गरिएको छ । यो आक्रमण, राजनीतिक पूर्वाग्रहले प्रेरित छ । षडयन्त्रपूर्ण छ । यसको क्रम जारी छ भन्ने मैले महसुस गरेको छु ।’

भिजिट भिसा प्रकरणमा उनको संलग्नताको चर्चा हुँदै आएको छ। गृहमन्त्रीको राजीनामा माग विपक्षी दलहरुले गरिरहेका छन् ।