श्रीलंका : प्रहरीको गोली लागेर एक प्रदर्शनकारीको मृत्यु, ११ घाइते
काठमाडौं । श्रीलंकामा मूल्यवृद्धिको विरोधमा भएको प्रदर्शनमा एक जनाको मृत्यु भएको छ भने ११ घाइते भएका छन् । मंगलबार रामबुकानामा भएको प्रदर्शनमा प्रहरीले गोली चलाएपछि मानवीय क्षति भएको हो ।
प्रदर्शनकारीले रामबुकानाको प्रहरी चौकी घेरेर ढुंगामुढा गरेपछि प्रहरीले अश्रुग्यास प्रहार गरेको थियो । तर अवस्था नियन्त्रणमा नआएपछि गोली चलाएको त्यहाँको प्रहरीले स्थानीय सञ्चारमाध्यमलाई जनाएको छ ।
प्रदर्शन हिंसात्मक बनेपछि अहिले रामबुकाना क्षेत्रमा अनिश्चितकालका लागि कर्फ्यू आदेश जारी गरिएको छ ।
इतिहासमा नै पहिलो पटक चर्को आर्थिक संकटमा फसेको श्रीलंकामा केही सातायता सरकारविरोधी प्रदर्शन भइरहेका छन् । इन्धन अभाव, मूल्यवृद्धिको विरोधमा सडकमा उत्रिएका प्रदर्शनकारीले राष्ट्रपतिको राजीनामा मागेका छन् । तर राष्ट्रपति पद छाड्ने मुडमा छैनन् ।
ताजा अपडेट
-
प्रधानमन्त्रीको विश्वासको मत संकटमा !
-
नेपाली सेनाका क्याप्टेन हिरासतमा
-
संसदमा रवि लामिछानेको टेलिभिजन प्रस्तोताको शैली, गगनदेखि चित्रबहादुरसम्मलाई संगिन आरोप
-
श्रीलंकामा आर्थिक संकटका कारण रोकिएको विद्यार्थीको स्वास्थ्य बिमा कार्यक्रम पुनः सञ्चालन
-
‘केटी काण्ड’ले प्रहरी जवानको हत्या
प्रतिक्रिया