काठमाडौं । सानिमा बैंकले सानिमा डबल धमाका मुद्दति खाता सार्वजनिक गरेको छ । यस खाताअन्तर्गत ग्राहकले न्यूनतम पाँच लाख रुपैयाँको मुद्दति खाता खोल्न सक्नेछन् ।

यो योजनामा उक्त रकम साढे ६ वर्षमा दोब्बर भएर शतप्रतिशत प्रतिफल पाउन सक्नेछन् । साथै प्रतिफलमा लाग्ने कर रकम ग्राहक स्वंयले बेहोर्नु पर्ने बैंकले जनाएको छ । त्यस्तै बैंकले ग्राहकलाई व्यावहारिक कार्यका लागि रकम आवश्यक परेमा ९० प्रतिशतसम्मको ऋण प्रदान गर्नुका साथै ग्राहकले दुई लाखसम्मको निशुल्क क्रेडिट कार्डका लागि आवेदन दिन सक्नेछन् ।

यस योजनाअन्तर्गत एक भन्दा बढी मुद्दति खाता समेत खोल्न सक्ने बैंकले जानकारी गराएको छ । सानिमा बैंकको सातै प्रदेशमा १२६ शाखा रहेका छन् भने ११५ वटा एटीएम सञ्चालनमा छन् ।