काठमाडौं– रसुवामा आएको बाढीले पुर्‍याएको क्षतिबारे छलफल गर्न केन्द्रीय सुरक्षा समिति र राष्ट्रिय विपद जोखिम न्यूनीकरण तथा व्यवस्थापन प्राधिकरण कार्यकारी समितिको आकस्मिक बैठक बोलाइएको छ।

बैठक दिउँसो १ बजे गृह मन्त्रालयमा बस्ने छ। गएराति आएको बाढीमा परेर १८ जना बेपत्ता छन्। तीमध्ये ६ जना चिनियाँ नागरिक हुन् भने ३ जना नेपाल प्रहरीका अधिकारीहरु हुन्। बाँकी त्यहाँ खटिएका श्रमिकहरु हुन्।

बाढीले नेपाल–चीन मितेरी पुल, भन्सारसहितका स्थानमा क्षति गरेको छ। सुख्खा बन्दरगाहका ७ वटा इभी गाडी समेत बगेको छ। रसुवागढी हाइड्रोपावरको ड्याम र क्याम्पमा पनि क्षति पुगेको छ।

अहिले प्रभावित स्थानमा खोज तथा उद्धार कार्य जारी छ।