आफ्नै गाडी भाडामा लिएर चढ्ने गाउँपालिकाका अध्यक्ष !
काठमाडौं । ललितपुरको बाग्मती गाउँपालिकाका अध्यक्ष वीरबहादुर लोप्चनले आफ्नो निजी गाडी गाउँपालिकालाई भाडामा लिन लगाएर आफैं चढ्ने गरेको खुलासा भएको छ ।
वडा नं. ४ प्युटार बस्ने मखमली घले अध्यक्ष लोप्चनकी साली हुन् । उनैको नाम रहेको गाडी मासिक भाडा बुझाउने गरी गाउँपालिकाले सम्झौता गरेको पाइएको छ । जुन गाडी अध्यक्ष लोप्चन चढ्छन् ।
पालिकाले १ कात्तिक ०७७ देखि ०७८ असार मसान्तसम्म मासिक १ लाख ८० हजार भाडा बुझाउनेगरी सम्झौता गरेको छ । सम्झौतामा सवारी चालक सवारीधनीले उपलब्ध गराउनुपर्ने भनिए पनि पालिकाबाटै सवारी चालकको तलबसमेत लिइने गरेको उल्लेख छ । गाउँपालिकाले अध्यक्षले प्रयोग गर्नेगरी आर्थिक वर्ष ०७४/७५ देखि नै कोटेसन गरी लोप्चनले पत्नी सीता लोप्चनको नाममा रहेको महिन्द्र स्कारपियो फुल अप्सन फोर ह्विल गाडी भाडामा लिएको थियो ।
पत्नीको नाममा रहेका गाडी भाडामा लिएको प्रश्न उठ्न थालेपछि साली मखमली घलेको नाममा नामसारी गरी आर्थिक वर्ष ०७५÷७६ देखि हालसम्म निरन्तर भाडामा लिएर गाउँपालिकाका अध्यक्ष आफैं चढिरहेको राजधानी दैनिकमा खबर छ ।
यो पनि पढ्नुहोस्
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया