साढे १० अंकले घट्यो नेप्से, कारोबार ६ अर्ब

नेपालवाच २०८२ साउन २८ गते १६:०९

काठमाडौं– बुधबार नेपाल स्टक एक्सचेञ्ज (नेप्से) १०.५० अंकले घटेको छ । बुधबार नेप्से ०.३७ प्रतिशतले घटेर २७८५.५७ विन्दुमा पुगेको छ ।

नेप्से घट्दा ६ अर्ब १६ करोड १८ लाख ९४ हजार रुपैयाँ बराबरको १ करोड ५८ लाख ४७ हजार ८७३ कित्ता शेयर कारोबार भएको छ ।

बजार बन्द हुँदा ८९ वटा कम्पनीको शेयर मूल्य बढेको छ भने १५९ वटा कम्पनीको शेयर मूल्य घटेको छ । एक वटा कम्पनीको शेयर मूल्य भने स्थिर रहेको छ ।
दिनभरमा ३२१ वटा कम्पनीको शेयर ७० हजार ९९ पटक बिक्री भएको छ ।

१३ समूहमध्ये विकास बैंक, फइनान्स, म्युचुअल फण्ड र अन्य समूह बढेको छ भने बाँकी अन्य सबै समूह घटेको छ ।