औपचारिक बैठक सारेर अनौपचारिक छलफलबाट उम्मेदवार छान्दै कांग्रेस

नेपालवाच २०७९ वैशाख ९ गते १८:००

काठमाडौं । सत्तारुढ दल नेपाली कांग्रेसको केन्द्रीय कार्यसम्पादन समितिको बैठक शनिबारसम्मका लागि सरेको छ ।

यसअघि कांग्रेस केन्द्रीय कार्यसम्पादन समितिको बैठक आज बस्ने भनिएकोमा विशेष कारणवश शनिबार दिउँसो ११ बजेसम्मका लागि सरेको कांग्रेस केन्द्रीय कार्यालयका मुख्यसचिव कृष्णप्रसाद पौडेलले जानकारी दिए ।

यतिबेला कांग्रेस औपचारिक बैठक सारेर अनौपचारिक छलफलबाट स्थानीय तह निर्वाचनका लागि उम्मेदवार टुंग्याउन लागि परेको छ ।

यसका लागि अहिले प्रधानमन्त्री निवास बालुवाटारमा छलफल जारी छ ।