नयाँ दिल्ली । कोरोना भाइरसका कारण भारतमा थप २५ सय संक्रमण भएका छन् भने ३३ जनाको मृत्यु भएको छ ।

सरकारी अधिकारीहरूले शनिबार दिएको जानकारी अनुसार पछिल्लो २४ घण्टामा दुई हजार ५२७ जना कोरोना भाइरसबाट संक्रमण भएका हुन ।

संघीय स्वास्थ्य मन्त्रालयले दैनिक संक्रमित र मृतकहरूको संख्या पछिल्ला दिनमा बढ्दै गइरहेको जनाएको छ ।

यसअघि शुक्रबार सार्वजनिक भएको विवरणमा दुई हजार ४५१ जना संक्रमितभएको देखिएको थियो । मृतकको संख्या शनिबार भन्दा बढी ५४ रहेको थियो ।

पछिल्लो एक दिनमा एक हजार ६५६ जना कोरोना भाइरसबाट संक्रमणमुक्त भएका छन् । एउटै अवधिमा नयाँ संक्रमितभन्दा संक्रमणमुक्त भएकाहरूको सङ्ख्या धेरै रहेकाले सक्रिय संक्रमितहरूको संख्या भने घट्दै गएको छ ।

मन्त्रालयका अधिकारीहरूले दिएको जानकारी अनुसार भारतमा अहिले संक्रमित अवस्थामै रहेकाहरूको संख्या १५ हजार ७९ रहेको छ । कोरोना भाइरसको संक्रमण बढ्दै गएपछि दिल्ली, हरियाणा, पञ्जाबलगायतका राज्यमा मास्क अनिवार्य गरिएको छ ।