एजेन्सी । चीन सन् २०२५ मा सन् १९६१ पछि औसतमा सबैभन्दा बढी गर्मी वर्षका रूपमा रेकर्ड भएको छ । चीनको मौसम विज्ञान प्रशासनले आइतबार जानकारी गराएअनुसार चीनमा गत वर्ष देशव्यापी औसत तापक्रम ११ डिग्री सेल्सियस रहेको हो ।

राष्ट्रिय जलवायु केन्द्रका वरिष्ठ इन्जिनियर सि सुआईका अनुसार यो आंकडा देशको सामान्य वार्षिक तापक्रम ९.९ डिग्री सेल्सियसभन्दा १.१ डिग्री सेल्सियस बढी हो । गत वर्ष सिन्जियाङ, जियाङ्सी र हुबेइसहित १६ प्रान्तीय स्तरका क्षेत्रहरूले सन् १९६१ पछि औसतमा सबैभन्दा उच्च तापक्रम रेकर्ड गरेका थिए ।

जुनदेखि अगस्टसम्मको राष्ट्रिय औसत तापमान २२.३ डिग्री सेल्सियस थियो र यो सामान्यभन्दा १.१ डिग्री सेल्सियस बढी हो । सन् २०२४ मा सन् १९६१ पछि सबैभन्दा गर्मी वर्षा ऋतुको रूपमा रेकर्ड भएको छ ।

‘बेइजिङले गत वर्ष सन् १९६१ पछि सबैभन्दा बढी वार्षिक वर्षा रेकर्ड गरेको थियो र उत्तरी चीनमा वर्षा ऋतुको लम्बाइ र कुल वर्षा दुवै ऐतिहासिक उच्च भएको थियो,’ सिले भने ।

यस महिनाको तथ्यांकलाई समीक्षा गर्दै सिले सबैभन्दा बढी मौसमी असन्तुलन व्यहोर्ने वर्ष बन्न सक्ने अर्को चेतावनीमूलक सन्देश दिएका छन् । उनले भने, ‘उत्तरी चीनले कम तापक्रम, हिउँ र चिसो वर्षाको सम्भावित प्रतिकूल प्रभावहरूको लागि तयार रहनुपर्छ, देशको दक्षिणी भागले मौसमी खडेरीबाट सावधान रहनुपर्छ ।’