काठमाडौं । नेपाली कांग्रेसका नेता शेखर कोइराला प्रतिनिधिसभा निर्वाचनमा मोरङ–६ बाट उम्मेदवार बन्ने भएका छन् ।

कांग्रेस संसदीय बोर्डले मोरङ–६ मा शेखरलाई उम्मेदवार बनाउने निर्णय गरेको हो ।

कांग्रेसका गगन थापा समूहले विशेष महाधिवेशन गर्दा कोइराला त्यसको विपक्षमा उभिएका थिए । सबै पक्षलाई मिलाएर चुनावमा जाने नीति लिएका गगनको रोजाइमा शेखर परेका हुन् ।

त्यस्तै, कांग्रेसले मोरङका अन्य क्षेत्रको पनि उम्मेदवार टुंग्याएको छ । मोरङ–१ मा खड्ग फागोले टिकट पाउँदा क्षेत्र नं. २ मा डा. मीनेन्द्र रिजाललाई उम्मेदवार बनाइएको छ । क्षेत्र नम्बर ३ मा डा. सुनिल शर्मा, क्षेत्र नम्बर ४ मा महामन्त्री गुरूराज घिमिरे र ५ मा फूलकुमार लावती उम्मेदवार बनेका छन् ।