काठमाडौं । पूर्वसञ्चार तथा सूचना प्रविधिमन्त्री पृथ्वी सुब्बा गुरुङले बालेन शाहप्रति कटाक्ष गर्दै झापा पुगेर सुकुमबासीहरुको समस्या अन्त्य गर्छु भन्नु जनतालाई भ्रम बाँड्नु रहेको बताएका छन् ।

प्रेस चौतारी नेपालले आज आयोजना गरेको कार्यक्रममा उनले काठमाडौँको मेयर हुँदा भूमिहीनलाई व्यापार गरेर पनि खान नदिने व्यक्तिले झापा पुगेर लालपुर्जा दिन्छु भन्नु हास्यस्पद रहेकोसमेत बताए ।

‘काठमाडौँ प्रमुख रहँदा सुकुमबासी, भूमिहीनहरूलाई लखेट्ने मान्छेले झापा ५ पुगेपछि सुकुमबासीहरुको समस्या अन्त्य गर्छु भन्नु जनतालाई भ्रम बाँड्नु हो’, उनले  भने, ‘भ्रम बाँड्न सजिलो छ, काम गर्न कठिन छ । काठमाडौँको मेयर हुँदा भूमिहीनलाई व्यापार गरेर पनि खान नदिने व्यक्तिले झापा पुगेर लालपुर्जा दिन्छु भन्नु हास्यस्पद कुरा हो ।’