वीरगञ्जबाट पेट्रोलियम आयात, ६० अर्ब ३८ करोड राजस्व संकलन

ट्राफिक कारबाहीमा एकै दिन २२ लाख ७६ हजार राजस्व संकलन

वीरगञ्जबाट पेट्रोलियम आयात, ६० अर्ब ३८ करोड राजस्व संकलन — तस्विर : फाइल

नेपालवाच २०८३ वैशाख १२ गते ९:०३

वीरगञ्ज(पर्सा) । चालु आर्थिक वर्षको प्रथम नौ महिनामा पेट्रोलियम पदार्थ आयातबाट रु ६० अर्ब ३८ करोड राजस्व संकलन भएको छ । गत आवको सोही अवधिमा रु ५७ अर्ब ५३ करोड राजस्व प्राप्त भएको थियो ।

वीरगञ्ज भन्सार कार्यालयका सूचना अधिकारी उदयसिंह विष्टका अनुसार वीरगञ्ज नाकाबाट उक्त अवधिमा रु एक खर्ब ४८ अर्ब १६ करोड बराबरका पाँच किसिमका पेट्रोलियम पदार्थ आयात गरेर उक्त रकम राज्यकोषमा दाखिला भएको हो ।

उक्त अवधिमा आठ लाख आठ हजार सात सय ४५ किलोलिटर डिजेल, तीन लाख ५९ हजार आठ सय ४६ किलोलिटर पेट्रोल २२ करोड ४८ लाख ७५ हजार दुई सय ६६ किलोग्राम एपपी ग्यास आयात भएको छ ।