काठमाडाैं । आइतबारयता सुनको मूल्य निरन्तर घटिरहेको छ । नेपाल सुनचाँदी व्यवसायी महासंघका अनुसार सोमबार तोलामा तीन सय रुपैयाँ घटेको सुनको मूल्य आज नौ सय रुपैयाँले ओरालो लागको हो ।

महासंघका अनुसार सोमबार तोलामा एक लाख दुई सय रुपैयाँमा कारोबार भएको छापावाल सुन आज ९९ हजार तीन सय रुपैयाँमा कारोबार भइरहेको छ । आइतबार छापावाल सुन प्रतितोला चार सय रुपैयाँ घटेर एक लाख ५ सय रूपैयाँमा कारोबार भएको थियो ।

त्यस्तै सोमबार प्रतितोला ९९ हजार सात सय रूपैयाँमा कारोबार भएको तेजावी सुन आज ९८ हजार ८ सय रुपैयाँमा कारोबार भइरहेको छ । सोमबार तोलामा १० रुपैयाँ घटेको चाँदी आज स्थिर छ । आज चाँदी सोमबारकै मूल्य अर्थात एक हजार ३५० रुपैयाँमा कारोबार भइरहको हो ।