काठमाडौँ । बितेका २४ घण्टामा दुई हजार ३ सय ६५ सवारीचालक सवारी नियम उल्लङ्घनको कारबाहीमा परेका छन् । यसबाट राज्यकोषमा २१ लाख ७७ हजार ५ सय ४ रुपैयाँ राजस्व दाखिला भएको छ ।

काठमाडौँ उपत्यका ट्राफिक प्रहरी कार्यालयका अनुसार मादकपदार्थ सेवन गरेका ८८, नियमविपरीत ‘राइड सेयरिङ’ गरेका २ सय ५८, सङ्केत बत्ती उल्लङ्घनकर्ता १ सय ५६ र तीव्र गतिमा सवारीसाधन हुइँक्याएका १ सय ७४ जनालाई कारबाही गरिएको छ ।

यसैगरी, ‘लेन’ अनुशासन पालना नगर्ने १ सय २३, निषेधित क्षेत्रमा हर्न बजाउने १ सय २८, सडक पेटीमा सवारीसाधन पार्किङ गर्ने १ सय २४, एकतर्फी सडकमा सवारी चलाउने १ सय ६३ र अन्य सवारी नियम पालना नगरेका एक हजार १ सय २१ जनालाई कारबाही गरिएको हो ।