काठमाडौँ-लियोनल मेस्सीको कप्तानीमा विश्वकप २०२६ खेल्ने अर्जेन्टिनाको टोली घोषणा भएको छ।

बिहीबार प्रशिक्षक लियोनल स्कालोनीले २६ सदस्यीय टोलीको घोषणा गर्दै मेस्सीलाई टीममा समावेश गरेका हुन्।

३९ वर्षीय फरवार्ड मेस्सीले चार वर्षअघि कतार विश्वकपमा फ्रान्समाथि पेनाल्टी सुटआउटमा जित हासिल गर्दै आफ्नो देशलाई तेस्रो विश्वकप दिलाएका थिए।

२०२२ मा प्रतियोगिताको उत्कृष्ट गोलकिपर घोषित एस्टन भिल्लाका एमिलियानो मार्टिनेज पनि छनोट भएका छन्। घुँडाको चोटका कारण प्रिमियर लिग सिजनको अन्त्यमा खेल्न नसकेका म्यानचेस्टर युनाइटेडका लिसान्ड्रो मार्टिनेज र टोटनह्यामका क्रिस्टियन रोमेरो पनि टीममा परेका छन्।

विश्वकपमा अर्जेन्टिना समूह जे मा छ। टोलीले ७ जुनमा क्यान्सास सिटीमा अल्जेरियासँग खेलेर विश्वकपको सुरुवात गर्नेछ। यस्तै, २२ जुनमाअस्ट्रियासँग डलासमा र २८ जुनमा जोर्डनसँग खेल्नेछ।

यसअघि इन्टर मियामीको पछिल्लो मेजर लिग सकर खेलको क्रममा मेस्सी रेस्ट दिइएको थियो। ह्यामस्ट्रिङका कारण उनलाई खेलको बिचमा प्रतिस्थापन गरिएको थियो। उनले अर्जेन्टिनाका लागि १९८ खेल खेलिसकेका छन्।

अर्जेन्टिनाको विश्वकप खेल्ने टोली :

गोलकिपरः जुआन मुसो, जेरोनिमो रुल्ली, एमिलियानो मार्टिनेज।

डिफेन्डरः लियोनार्डो बालेर्डी, निकोलस ट्याग्लियाफिको, गोन्जालो मोन्टिएल, लिसान्ड्रो मार्टिनेज, क्रिस्टियन रोमेरो, निकोलस ओटामेन्डी, फाकुन्डो मेडिना, नाहुएल मोलिना।

मिडफिल्डरः लिआन्ड्रो परेडेस, रोड्रिगो डे पाउल, भ्यालेन्टिन बार्को , जिओभानी लो सेल्सो , इजेक्विएल पालासियोस, एलेक्सिस म्याक एलिस्टर, एन्जो फर्नान्डेज।

फरवार्डहरूः जुलियन अल्भारेज, लियोनेल मेस्सी, निकोलस गोन्जालेज, थियागो अल्माडा, जिउलियानो सिमोन, निको पाज, जोसे म्यानुअल लोपेज, जोसे म्यानुअल लोपेज।