काठमाडौं । नेकपा एमालेका उपाध्यक्ष तथा पूर्वअर्थमन्त्री विष्णु पौडेललाई सम्पत्ति शुद्धीकरण अनुसन्धानको सिलसिलामा थप तीन दिन हिरासतमा राख्न विशेष अदालतले अनुमति दिएको छ।

विशेष अदालतका न्यायाधीश नारायणप्रसाद पौडेल र उमेश कोइरालाको संयुक्त इजलासले सोमबार पौडेलको हिरासत अवधि थप तीन दिनका लागि बढाउने आदेश दिएको हो। योसँगै उनको हिरासत अवधि पाँचौं पटक थपिएको छ।

सम्पत्ति शुद्धीकरण अनुसन्धानका क्रममा गत असार ८ गते सुर्खेतबाट पक्राउ परेका पौडेलको हिरासत यसअघि असार ९ गते सात दिन, असार १५ गते तीन दिन, असार १८ गते छ दिन र असार २४ गते पाँच दिनका लागि थप गरिएको थियो।

यसैबीच, पौडेलकी पत्नीले उनको रिहाइको माग गर्दै सर्वोच्च अदालतमा दायर गरेको बन्दीप्रत्यक्षीकरणको रिट भने सर्वोच्चले खारेज गरिसकेको छ।