कञ्चनपुर । कञ्चनपुरस्थित महाकाली नदीमाथि रहेको एसियाकै दोस्रो लामो दोधारा–चाँदनी झोलुङ्गे पुलको बीच भागमा रहेको एक पिलरबाट पुल चुँडिएर नदीमा खसेको छ ।

बुधबार बिहान पुलका केही भागमा फलामका पाताहरू अस्वाभाविक रूपमा माथि उठेको देखिएको थियो। त्यसपछि पुल बीचको एक पिलरबाट चुँडिएर नदीमा खसेको स्थानीयले बताएका छन्।

स्थानीयका अनुसार भीमदत्त नगरपालिका–१३ तर्फबाट छैटौँ र दोधारा–चाँदनीतर्फबाट तेस्रो नम्बरको पिलरबाट पुल चुँडिएको हो।

नदीको बीच भागमा रहेको पिलरबाट पुल चुँडिएपछि आवतजावत पूर्ण रूपमा बन्द भएको छ। पुलमा क्षति पुगेपछि स्थानीयवासी तथा यात्रुहरूलाई आवतजावतमा समस्या भएको छ।