काठमाडौं । नेपाल राष्ट्र बैंकले दुई अर्ब बराबरको नागरिक बचतपत्रको आवेदन खुला गरेको छ । बैंकले आइतबारदेखि २२ गतेसम्म उक्त आवेदन खुलाएको हो ।

वाणिज्य बैंकले हाल निक्षेपमा अधिकतम ११.३ प्रतिशत ब्याजदर दिइरहेको छ । राष्ट्र बैंकका अनुसार अघिल्लो पटकको बचतपत्रको ब्याजदर बैंकको भन्दा कम रहेकाले नागरिकको आकर्षण हुन नसकेको कारण यो पटक सोही पक्षलाई ध्यानमा राखी ब्याजदर बढाएको राष्ट्र बैंकले जनाएको छ ।

उक्त बचतपत्रका लागि विदेशमा रहेका नेपालीले आफू रहेकै स्थानबाट पनि नागरिक बचतपत्रमा लगानी गर्न सक्ने सुविधा यो वर्षदेखि लागू भएको बैंकले उल्लेख गरेको छ । बैंकले अनलाइन प्रणलीमार्फत आवेदन दिन सक्ने व्यवस्था भएसँगै उक्त सुविधा भएको हो ।

बैंकले बचतपत्रका परिपक्वको अवधि ०८४ वैशाख १५ गतेसम्म रहेको जनाएको छ ।