चितवनमा कांग्रेसको टिकट खोसेर माओवादीलाई दिएपछि पार्टी कार्यालय तोडफोड
काठमाडौं । चितवनमा सत्ता गठबन्धनविरुद्ध कांग्रेस कार्यकर्ताको आक्रोश चुलिएको छ । चितवनको रत्ननगरमा कांग्रसका उम्मेदवारको टिकट खोसेर माओवादी केन्द्रलाई दिइएपछि कार्यकर्ता आक्रोसित भएका हुन् ।
सत्ता गठबन्धनले भागबन्डा मिलाउन कांग्रेस नगर सचिवसमेत रहेकी वडा नम्बर १२ की उम्मेदवार अनिता अर्यालको टिकट खोसेर माओवादी केन्द्रलाई दिएपछि कांग्रेस कार्यकर्ताले पार्टीको वडा कार्यालय तोडफोडसहित तालाबन्दीसमेत गरेका छन् ।
साथै, उनीहरूले कार्यालयमा रहेका कुर्सी टेबलसँगै पार्टीको झण्डासमेत सडकमा फ्याँकेका छन् ।
अर्याल वडाध्यक्षको उम्मेदवार बनेर चुनाव प्रचारप्रसारको अन्तिम चरणमा पुगेका बेला उनको टिकट खोस्दै माआोवादी केन्द्रका सुन्दरमणि सुवेदीलाई उम्मेदवार बनाउने निर्णय गरेपछि कांग्रेसका कार्यकर्ता आक्रोशित बनेका हुन् ।
गठबन्धनलाई लिएको पछिल्लो समय चितवन तरंगित छ । भरतपुरमा समेत असन्तुष्टि जनाउँदै गठबन्धनकी उम्मेदवार रेनु दाहालविरुद्ध कांग्रेसका जगन्नाथ पौडेलले उम्मेदवारी दिएका छन् ।
रेनु माओवादी केन्द्रका अध्यक्ष पुष्पकमल दाहाल प्रचण्डकी छारी हुन् ।
ताजा अपडेट
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
-
मन्त्रिहरुको सम्पत्ति सार्वजनिक गर्नेसहित यस्ता छन् मन्त्रिपरिषद्का १८ निर्णय
-
छोराको हत्या गर्ने महिला पक्राउ
-
फाष्ट ट्रयाक सडक आयोजनामा सुरुङमार्गको ‘ब्रेकथ्रु’
प्रतिक्रिया