इजिप्टलाई पाखा लगाउँदै सेनेगलले जित्यो अफ्रिका कप अफ नेसन्सको पहिलो उपाधि
काठमाडौं । मोहम्मद सलाहको इजिप्टलाई पाखा लगाउँदै साडियो मानेको सेनेगलले अफ्रिका कप अफ नेसन्सको पहिलो उपाधि जितेको छ ।
क्यामरुनमा भएको प्रतियोगिताअन्तर्गत गएराति भएको फाइनल खेलमा पेनाल्टी सुटआउटमा इजिप्टलाई स्तब्ध पार्दै सेनेगलले उपाधि चुमेको हो ।
निर्धारित ९० मिनेट र अतिरिक्त ३० मिनेटमा गोलरहित बराबरी भएपछि खेल पेनाल्टी सुटआउटमा प्रवेश गरेको थियो ।
जसमा सेनेगलले ४ गोल गर्दा इजिप्टले २ गोल मात्र गर्न सक्यो ।
मानेले निर्णायक पेनाल्टी प्रहार गर्दै सेनेगललाई उपाधि दिलाएका हुन् ।
सलाहले भने पेनाल्टी हान्ने अवसर नै पाएनन् ।
प्रतिक्रिया