विपीन अब बलिउड चलचित्रमा

नेपालवाच २०७८ माघ १४ गते ६:२२

काठमाडौं । नेपाली अभिनेता विपीन कार्कीले अब बलिउड चलचित्रमा अभिनय गर्ने भएका छन् । उनले खेल्न लागेको चलचित्रको नाम ’एनिमल’ रहेको छ । यसको जानकारी स्वयम् विपीनले दिएका हुन् ।

एनिमलमारणवीर कपुर, अनिल कपुर, परिणिती चोपडा, बबि देवलजस्ता चर्चित कलाकार रहेका छन् ।

एनिमलको निर्देशक सन्दीप रेड्डी छन् । यसअघि उनले तेलुगू फिल्म ’अर्जुन रेड्डी’ र यसको हिन्दी भर्सन ’कबिर सिंह’ को निर्देशन गरेका थिए ।

चलचित्र आगामी जुलाई-अगस्टतिर छायांकन हुने बताइएको छ ।

प्रकाशित मिति: बुधबार, पुस २८, २०७८, १६:३०:००