साताको पहिलो दिन नेपाली सुनचाँदी बजारमा सुनको मूल्य उकालो लागेको छ । आज सुनको मूल्य तोलामा एक हजार पाँच सय रूपैयाँ बढेर ९५ हजार पाँच सय रूपैयाँमा कारोबार भइरहेको छ ।

नेपाल सुनचाँदी व्यवसायी महासंघका अनुसार साताको अन्तिम दिन शुक्रबार सुनको मूल्य तोलामा एक सय रूपैयाँ बढेर ९४ हजार रूपैयाँमा कारोबार भएको थियो ।

महासंघका अनुसार आज तेजावी सुनको मूल्य तोलामा ९५ हजार रूपैयाँमा कारोबार भइरहेको छ । गत शुक्रबार तेजावी सुनकाे मूल्य तोलाम ९३ हजार ५ सय रूपैयाँमा कारोबार भएको थियो ।

आज चाँदी तोलामा २० रूपैयाँ  बढेको महासंघले जनाएको छ । महासंघका अनुसार आज चाँदी ताेलामा १ हजार तीन सय रुपैयाँमा कारोबार भईरहेको छ । गत शुक्रबार चाँदी तोलामा १ हजार २८० रूपैयाँमा कारोबार भएको थियो ।