काठमाडौं । हिमालयन हाइड्रोपावर लिमिटेडले १४औं वार्षिक साधारण सभा जेठ १८ गते गर्ने भएको छ । कम्पनीको वैशाख २५ गते बसेको सञ्चालक समितिको बैठकले उक्त सभाको मिति तय गरेको हो ।

उक्त साधारण सभा होटल पोखरा ग्राण्ड, विरौटा, पोखरामा दिनको १ बजे शुरु हुने कम्पनीले जनाएको छ ।

सभाको सामान्य प्रतिवेदन छलफल गरी अनुमोदन गर्ने, आर्थिक वर्ष २०७७/७८ को वासलतसहितको लेखा परीक्षण प्रतिवेदन छलफल गरी अनुमोदन गर्ने रहेको छ । त्यस्तै२०७८/७९ को लागि लेखापरीक्षकको नियुक्ति र सोको  पारीश्रमिक निर्धारण गर्ने र कम्पनीको नियम २९ अनुसार स्वतन्त्र व्यवसायिक सञ्चालन गर्नेलगायतका प्रस्ताव पनि पारित गर्नेछ ।

कम्पनीको विशेष प्रस्तावमा कम्पनीको नियमावली संशोधन गर्ने रहेको छ ।