इलाममा ३० वर्षपछि फर्कियो कांग्रेस

नेपालवाच २०७९ जेठ ४ गते ९:०५

इलाम । इलाम नगरपालिकाको प्रमुख पदमा ३० वर्षपछि नेपाली कांग्रेस फर्किएको छ । नेपाली कांग्रेसका केदार थापा १३ हजार १ सय १५ मतले विजयी भएका हुन् । उपप्रमुखमा कांग्रेसकै विष्णु दाहालले १३ हजार ५ सय ४२ मतसहित विजयी भएकी छन् ।

प्रमुखमा नेकपा एमालेका धिरेन चेम्जोङले १० हजार ५ सय ८७ मत ल्याए र उपप्रमुखमा एमालेकै सीतादेवी रिजालले १० हजार ८८ मत प्राप्त गरिन् ।

इलाम नगरपालिकामा वि.सं. २०४९ सालको स्थानीय निर्वाचनपछि अहिलेसम्म कांग्रेसले जित भएकाे थिएन । नगरपालिकाकाे १२ वटा वडामा ९ वटामा कांग्रेस विजयी भएकाे छ । त्यस्तै बाँकी ३ वटामा एमाले विजयी भएकाे छ ।