काठमाडौं । यूरेनियमको कारोबारमा संलग्न भएको आरोपमा प्रहरीले कांग्रेसका नेता नवराज महतसहित आठ जनालाई पक्राउ गरेको छ ।

प्रहरीको बिशेष ब्यूरोले सोमबार हायात होटलबाट दुई केजी आठ सय ग्राम युरोनियम बरामद गरी त्यसमा संलग्नहरुलाई पक्राउ गरेको हो ।

सो यूरेनियम भारतमा बिक्रिका लागि प्रतिकेजी ३५ करोडमा डिल भएको थियो । साढे दुई किलोको करिब ८५ करोड रुपैयाँमा कारोबारको डिल भएको प्रहरीको दाबी छ । सुरुमा प्रहरीले महत र भूपेन्द्र खड्कालाई पक्राउ गरेको थियो ।

थप ६ जना पछि पक्राउ परेको महानगरीय प्रहरी परिसर काठमाडौंका एसपी दिनेशराज मैनालीले बताए । महत ललितपुर कांग्रेसका नेता हुन् ।

पक्राउ पर्ने अन्यमा सिन्धुपाल्चोकका रामकृष्ण लामिछाने, सिराहाका गोपिलाल दास, जिवछ नारायण यादब, महोत्तरीका सुरेन्द्र चौरी, भारतका उपेन्द्र कुमार मिश्र र महोत्तरीका राजु ठाकुर छन् ।

उनीहरुबाट बा ५ च ८२०९ नम्बरको कार पनि प्रहरीले बरामद गरेको छ । पक्राउ परेकालाई ‘रेडियोधर्मी पदार्थ ९उपयोग तथा नियमन० ऐन, २०७७ अन्र्तगत मुद्धामा  ७  दिनको म्यादथप अनुमति लिई प्रहरी बृत्त बौद्धबाट थप अनुसन्धान भइरहेको एसपी मैनालीले जानकारी दिए