काठमाडौं । फौजदारी मुद्दामा तीन महिनासम्म कैद सजाय पाएकाले पनि प्रहरी चारित्रिक प्रमाणपत्र पाउने भएका छन् ।

यसअघि कैद सजाय भएकालाई यस्तो प्रमाणपत्र दिइँदैनथ्यो । सामान्य किसिमका अपराधमा संलग्नलाई पनि प्रहरी रिपोर्ट नदिँदा वैदेशिक शिक्षा तथा रोजगारबाट धेरैजना वञ्चित भएपछि प्रहरीले यससम्बन्धी कार्यविधि संशोधन गर्न लागेको हो ।

प्रहरीको चारित्रिक प्रमाणपत्रसम्बन्धी कार्यविधि संशोधनको प्रक्रिया हाल गृह मन्त्रालय पुगेको नेपाल प्रहरीका प्रवक्ता एसएसपी विष्णुकुमार केसीले बताए ।

‘तीन महिनासम्म कैद भनेको सामान्य किसिमका अपराधमा संलग्न व्यक्तिहरूलाई हुने सजाय हो,’ उनले भने, ‘सामान्य अपराधमा संलग्नलाई प्रहरी रिपोर्ट दिनुपर्छ भन्ने निष्कर्षका आधारमा कार्यविधि संशोधन गर्न लागेका हौं ।

कतिपयलाई स्वदेशभित्रै जागिर खान पनि प्रहरी रिपोर्ट चाहिने तर सामान्य किसिमका अपराधमा पर्दा कतिपय क्षमताबाट वञ्चित हुने गरेका छन् । नयाँ प्रावधानले कतिपयलाई सहज हुने भए पनि अपराधलाई निरुत्साहन गर्ने उद्देश्यरमा पनि असर पर्नसक्ने प्रहरी अधिकारीको चिन्ता छ । आजको नयाँ पत्रिका दैनिकमा खबर छ ।