सत्ता गठबन्धनमा तनावबीच बस्दै मन्त्रिपरिषद् बैठक
काठमाडौं । एमसिसीले सत्ता गठबन्धनमै तनावको स्थिति पैदा भइरहेका बेला आज दिउसो मन्त्रिपरिषद्को बैठक बैठक बस्दैछ ।
एमसिसी पास गरेर जाने विषयमा सत्तारुढ दल कांग्रेस सकारात्मक छ । तर सत्ता सहयात्री दलहरू माओवादी र नेकपा एस सकारात्मक छैनन् । यसैले आज नै तीन बजेलाई बोलाइएको सत्ता गठबन्धनको बैठक ५ बजेलाई सारिएको छ । प्रधानमन्त्री शेरबहादुर देउवा र माओवादी अध्यक्ष प्रचण्डबीचको छलफलपछि गठबन्धन बैठक दुई घण्टा ढिलो बस्ने गरी सारिएको हो ।
तर त्यसअघि नै २ बजे मन्त्रिपरिषद्को बैठक बस्न लागेको हो । सत्ताको नेतृत्व गरिरहेको कांग्रेस एमसिसी जसरी पनि पास गरेरै जानुपर्ने मतमा रहेको छ । यसका लागि गठबन्धन तोडिए पनि बहुमत पुर्याउने प्रयासमा देउवा लाग्न सक्ने देखिएको छ । यसैले मन्त्रिपरिषद्को बैठकलाई महत्वका साथ हेरिएको छ ।
कांग्रेसले माओवादी र नेकपा एसको विकल्पमा एमालेसँग सत्ता साझेदारी गरेर अघि बढ्ने पनि बताइन्छ । तर एमालेले कुनै औपचारिक निर्णय र अडान अगाडि सारिसकेको छैन ।
ताजा अपडेट
-
पर्वतको कुश्मामा खानेपानीको अभाव, लोडसेडिङ सुरु
-
सोलुखुम्बुमा डढेलोले दश घर जले, दर्जनौँ पशुचौपाया हताहत
-
‘मन्दीले ऋण प्रवाह घट्यो, बैंकले साना-ठूला भनेर भेदभाव गर्दैन’(अन्तर्वार्ता)
-
सुनको मूल्य दुई हजारले बढ्यो, कतिमा हुँदैछ कारोबार ?
-
सूचना-प्रविधि क्षेत्रको विस्तारका निम्ति नवप्रवर्तन कोष स्थापना गर्ने प्रधानमन्त्रीको घोषणा
प्रतिक्रिया