काठमाडौं । साविक खाद्य संस्थान (हाल खाद्य व्यवस्था तथा व्यापार कम्पनी लिमिटेड) ले ०७५/७६ मा लिइएको अधिकृत छैटौं तहको खुलातर्फको लिखित परीक्षा रद्द गरेको ।

सर्वोच्चको आदेश र लोक सेवा आयोगको पत्रपछि खाद्यले साढे तीन वर्षअघि सञ्चालन गरिएको लिखित परीक्षा रद्द गरेको हो ।

खाद्यले ०७५ चैत २६ र २७ गते अधिकृत छैटौं तहको लिखित परीक्षा सञ्चालन गरेको थियो । जसविरुद्ध सर्वोच्चमा मुद्दा परेको थियो ।

सर्वोच्चले यसबारे फैसला गर्दै लिखित परीक्षा रद्द गर्न भनेको थियो ।

सर्वोच्चको फैसला कार्यान्वयन गर्न लोक सेवा आयोगले पत्राचार गरेपछि २१/०७५–७६ को विज्ञापनको लिखित परीक्षा रद्द गरिएको पदपूर्ति समितिले जनाएको छ ।