काठमाडाैं । यातायात व्यवस्था विभागले जेठ २७ (आज) देखि नै लागू हुनेगरी सार्वजनिक यातायातको भाडा बढाएको छ । पेट्रोलियम पदार्थको मूल्य बढेसँगै विभागले सार्वजनिक यातायातको पनि भाडा बढाइएको हो ।

नेपाल आयल निगमले हिजो राति १२ बजेबाट लागू हुने गरी पेट्रोलियम पदार्थको भाडा बढाइसकेको छ। विभागले २.५ प्रतिशतदेखि ३.७ प्रतिशतसम्म भाडा बढाइएको हो । सार्वजनिक मातहतको भाडा समायोजन गर्दा आधार बनाइएको इन्धनको बजार मूल्य ५ प्रतिशतले घटबढ भएमा सोअनुसार भाडा बढाइएको विभागले जनाइएको छ ।

जसअनुसार यात्रुबाहक सवारीमा २.५ प्रतिशत, पहाडी बाटोमा सञ्चालन हुने मालबाहक सावरी साधनमा ३.३ प्रतिशत र तराईको बाटोमा सञ्चालन हुने मालबाहक सवारी साधनको ३.७ प्रतिशत भाडा बढाइएको छ ।