काठमाडौं । एमालेका उपाध्यक्ष युवराज ज्ञवालीले प्रचण्ड र माधव नेपाललाई प्रधानमन्त्री बनाउन कुनै प्रस्ताव नगरिएको दावी गरेका छन् ।

एमालेबाट उहाँहरूलाई प्रधानमन्त्री बनाउने कुनै प्रस्ताव नगरिएको भन्दै आफ्नो भाउ बढाउन त्यस्तो अभिव्यक्ति आएको हुनसक्ने बताए ।
‘एमालेले आधिकारी रूपमा प्रचण्ड वा माधवजीलाई प्रधानमन्त्री बनाउने प्रस्ताव गरिएको छैन । ‘उहाँहरूले आफ्नो भाउ बढाउन त्यस्ता अभिव्यक्ति दिएका हुन्’, ज्ञवालीले भने, ‘कुनै नेताले भेट भएको बेला अनौपचारीक गफ गरेको भए बेग्लै कुरा हो ।’

त्यस्तै उनले नेता घनश्याम भुसालमाथिको कारवाही उचित नभएको बताएका छन् । आन्तरिक पार्टी एकतालाई थप सुदृढ बनाएर लैजानु पर्ने समयमा कारवाहीको प्रकृयाले कसैको हित नगर्ने उनको भनाइ छ ।

‘नेतृत्वको आलोचना गरेकै आधारमा अनुशासन आयोगले कारवाही प्रक्रिया अगाडि बढाउनु ठीक हुँदैन । कसैलाई चित्त बुझेको छैन भने पार्टी बैठकमा बोलाएर छलफल गर्न सकिन्छ । स्थितिलाई थप चर्काएर लैजानु उचित हुँदैन’, ज्ञवालीले भने ।

नेपालमा वामपन्थी एकताको आवश्यकता भएपनि आगामी चुनाव यता वाम एकताको कुनै सम्भावाना नभएको बताए ।