सुनको मूल्य १५ सय बढ्यो

नेपालवाच २०७९ जेठ २९ गते १३:३०

काठमाडौं । साताको पहिलो दिन आइतबार सुनको मूल्य तोलामा १५ सय रुपैयाँ बढेकाे छ ।

सुनचाँदी व्यवसायी महासंघका अनुसार आज सुन प्रतितोला ९९ हजार २ सय रूपैयाँले कारोबार भइरहेको छ । शुक्रबार सुन प्रतितोला ९७ हजार ७ सयमा कारोबार भएको थियो ।

त्यस्तै आइतबार तेजावी सुन प्रतितोला ९८ हजार ७ सय रुपैयाँमा कारोबार भइरहेको छ । शुक्रबार १२ सय ६५ रुपैयाँमा कारोबार भएको चाँदी आइतबार १५ रुपैयाँले बढेर १२ सय ८० रुपैयाँमा कारोबार भइरहेको महासंघले जनाएको छ ।