प्लास्टिक खाने किरा पत्ता लाग्यो, प्रदूषण घटाउन सहयोग पुग्ने वैज्ञानिकको आशा
काठमाडौं । अष्ट्रेलियाका वैज्ञानिकहरुले प्लास्टिक खान मन पराउने एक किसिमको किरा भेटिएको बताएका छन् । जोफोबास मोरियो नामक एक किसिमको खपटेकिराको लार्भा रहेको पत्ता लगाएका हुन् ।
सुपरवर्म भनेर संकेत गरिएको यो लार्भा फोहोर रिसाइक्लिङ गर्न र प्रदूषण घटाउन सघाउने आशा अनुसन्धानकर्ताहरुको छ ।
उनीहरूका अनुसार उक्त लार्भाको पेटमा हुने विशेष प्रकारको एन्जाइम (पाचनरस) ले प्लास्टिक पचाउन सहयोग गर्छ । यसले पोलिस्टाइरिन टुक्रा पार्ने र पेटमा भएका ब्याक्टेरियालाई खुवाउने काम गर्ने अनुसन्धानकर्ता डा. क्रिस रिन्कले बताएका छन् ।
युनिभर्सिटी अफ क्वीन्सल्यान्डका अनुसन्धानकर्ताले तीन समूहमा राखिएका सुपरवर्मलाई तीन सातासम्म छुट्टाछुट्टै आहारा दिएका थिए ।
यसमा पोलिस्टाइरीनको खाना दिइएका लार्भाको तौल बढेको उनीहरूले पाए । यसका साथै उनीहरूले सुपरवर्मको पेटमा पोलिस्टाइरीन र स्टाइरीन पनि गलाउन सक्ने धेरै एन्जाइम भएको पत्ता लगाए ।
अनुसन्धानले यसअघि नै केही प्रजातिका खपटेकीराका लार्भाले पोलिस्टाइरीन खाने देखाएको थियो । याे अनुसन्धान माइक्रोबायल जेनोमिक्स नामक वैज्ञानिक जर्नलमा प्रकाशित भएकाे छ ।
ताजा अपडेट
-
बिहीबारदेखि यी स्थानमा विद्युत् आपूर्ति प्रभावित हुने
-
भरतपुरको छ लेन सडक निर्माण अन्तिम चरणमा
-
नेपाल नवप्रवर्तन र उद्यमशीलताको संस्कृति प्रवर्द्धन गर्न प्रतिबद्ध छ : प्रधानमन्त्री
-
मधेस प्रदेशका ९० प्रतिशत नागरिक बीमाको पहुँच बाहिर
-
प्राइम सहकारीको डेढ अर्ब ठगीमा उपसचिवसहित तीन कर्मचारी संलग्न
प्रतिक्रिया