साताको अन्तिम दिन सुनचाँदीको मूल्य बढ्यो

वीरगञ्ज नाकाबाट १० महिनामा २० अर्ब ७९ करोडको खाद्यान्न आयात

साताको अन्तिम दिन सुनचाँदीको मूल्य बढ्यो

नेपालवाच २०७८ फागुन ६ गते १०:३९

काठमाडाैं । साताको अन्तिम दिन सुनको मूल्य बढेको छ । नेपाली सुनचाँदी बजारमा शुक्रबार तोलामा एक हजार रूपैयाँ बढेको सुनको मूल्य आज चार सय रूपैयाँ बढेको हो ।

नेपाल सुनचाँदी व्यवसायी महासंघका अनुसार शुक्रबार तोलामा ९६ हजार एक सय रूपैयाँमा कारोबार भएको छापावाल सुन आज ९६ हजार पाँच सय रूपैयाँमा कारोबार भइरहेको छ ।

आज तेजावी सुन प्रतितोला ९६ हजार रूपैयाँमा कारोबार भइरहेको छ । त्यस्तै शुक्रबार तोलामा १० रूपैयाँ बढेर १ हजार २९५ रूपैयाँमा कारोबार भएको चाँदी आज १० रूपैयाँ नै बढेर १ हजार ३०५ रूपैयाँमा कारोबार भइरहेको छ ।