काठमाडाैं । जेठ ३ गते (आज)देखि पहिलोपटक शुक्रबार पनि सेयर कारोबार हुने भएको छ । सरकारले आइतबारको सार्वजनिक बिदा खारेज गरेसँगै नेपाल स्टक एक्सचेन्ज (नेप्से) ले शुक्रबार पनि सेयर कारोबार सञ्चालन गर्ने निर्णय गरेको थियो ।

यसभन्दा अघि सरकारले साताको दुइ दिन बिदा दिने निति ल्याएसँगै शनिबार र आइतबार सार्वजनिक बन्द गर्दै आएको थियो । नीति खारेज भएपछि अब नेप्सेले शनिबार बन्द गरेर शुक्रबार कारोबार खुलाएको हो ।

शुक्रबार भने बिहान ११ बजेदेखि १ बजेसम्म २ घण्टा मात्रै कारोबार हुने नेप्सेले जानकारी गराएको छ । आइतबारदेखि बिहीबारसम्म बिहान ११ बजेदेखि दिउँसो ३ बजेसम्म सेयर कारोबार हुनेछ ।