५२ लागे राहुल, जन्मदिन नमनाउने

ग्राहकका लागि निःशुल्क ‘एयरब्याग सेफ्टी रिकल’ सेवा सञ्चालन गर्दै होण्डा

नेपालवाच २०७९ असार ५ गते ११:०२

काठमाडौं । भारतीय राष्ट्रिय कांग्रेसका नेता राहुल गान्धी ५१ वर्ष पूरा गरेर आजबाट ५२ वर्ष प्रवेश गरेका छन् । गान्धीले सामाजिक सञ्जालमार्फत आजदेखि आफू ५२ लागेको जनाएका छन् ।

जन्मोत्सवको अवसरमा विगत वर्षमा गान्धीले नेता तथा कार्यकर्ताको साथमा उत्सव मनाउने गरेका थिए । तर यस वर्ष उनले जन्मदिन भने नमनाउने भएका छन् ।

सामाजिक सञ्जालमा एक अपिल सार्वजनिक गर्दै उनले देशका युवा सडक संघर्षका कारण तनाव र हैरानीमा रहेकाले जन्मदिन मनाउन मनासिव नहुने बताएका छन् । उनले सडक संघर्षमा रहेका युवालाई आफूले पनि साथ दिने जनाएका छन् ।