सुनको मूल्य बढ्यो, चाँदीको स्थिर

नेपालवाच २०७८ फागुन ८ गते ११:२५

काठमाडौं । साताको पहिलो दिन आइतबार सुनको मूल्य सामान्य बढेको छ । नेपाल सुनचाँदी व्यवसायी महासंघका अनुसार आज छापावाल सुन तोलामा एक सय रूपैयाँ बढेर ९६ हजार ६ सय रूपैयाँमा कारोबार भइरहेको छ ।

गत शुक्रबार छापावाल सुन प्रतितोला ९६ हजार पाँच सय रूपैयाँमा कारोबार भएको थियो । आज तेजावी सुन प्रतितोला ९६ हजार एक सय रूपैयाँमा कारोबार भइरहेको छ ।

त्यस्तै शुक्रबार चाँदी तोलामा १० रूपैयाँ बढेकोमा आज स्थिर छ । आज चाँदी शुक्रबारकै मूल्य तोलामा १ हजार ३०५ रूपैयाँमा नै कारोबार भइरहेको हो ।