काठमाडौं । नेकपा एकता राष्ट्रिय अभियानका संयोजक वामदेव गौतमले आगामी संघीय निर्वाचनसम्म नेकपा पुनर्गठन नभए कम्युनिष्ट आन्दोलन समाप्त हुने चेतावनी दिए ।

मंगलबार नयाँ पार्टी घोषणा गर्दै गौतमले नेपालको कम्युनिष्ट आन्दोलन जोगाउनका लागि आफूले एकताको अभियान चलाएको दावी गरे ।

‘मैले जन्माएको पार्टी मेरै आँखा अगाडि समाप्त हुने खतरा मैले देखेँ । यस्तो अवस्थामा म चुपलागेर बस्न सकिन । जसले सूर्य देख्छ, उसैले पहिला उज्यालो देख्छ’, गौतमले भने, ‘निर्वाचन अघि वाम एकता नभए कांग्रेसले गठबन्धनको सहयोगमा बहुमत ल्याउँछ । अर्को निर्वाचनमा गठबन्धनबिनै बहुमत ल्याउँछ । कांग्रेसको हातमा सत्ता गयो भने कम्युनिष्ट आन्दोलन समाप्त हुन्छ । देश अप्ठ्रो परिस्थितिमा पुग्छ ।’

नेकपाका तीन घटकलाई एक ठाउँमा ल्याउन आफूले तीन महिने अभियान सञ्चालन गर्ने बताए । कम्युनिष्ट पार्टी बाहेक अन्यले देश विकास गर्न नसक्ने गौतमले दावी गरे ।

नेकपा पुनस्र्थापनाका लागि पहल गर्न वामदेवलाई जिम्मेवारी दिने नेकपा एकता राष्ट्रिय अभियानको घोषणा