काठमाडौं । विभिन्न राजनीतिक दल तथा संगठनहरूले आज पनि अमेरिकी परियोजना एमसिसीविरुद्ध प्रदशैन गरेका छन् । सोक्रममा बानेश्वरमा झडप भएको छ ।

एमसिसीको विरोधमा उत्रिएका प्रदर्शनकारी र प्रहरीबीच झडप भएको हो ।

प्रदर्शनकारीले प्रहरीमाथि ढुंगमुढा गरेका थिए भने प्रहरीले बल प्रयोग गरेको थियो ।

प्रदर्शनमा एकीकृत समाजवादीनिकट अनेरास्ववियूलगायत सहभागी थिए ।

विद्यार्थीहरूले एमसिसीको विरोध गर्दै बानेश्वरको सडकमै ‘एमसिसी स्वाहा’ भन्दै होम गरेका हुन् ।

जसमा अध्यक्ष सुदेश पराजुलीले सेतो कपडा लगाएर एमसिसीको स्वाहा गरेका थिए ।

त्यस्तै अन्य साना दलहरूल पनि माइतीघरमा भेला भएर एमसिसीको विरोधमा प्रदर्शन गरेका थिए । जसमा नेत्रविक्रम चन्द विप्लव नेतृत्वको नेकपालगायतका संगठन थिए ।