पूर्वमिस नेपाल सदीक्षाले गरिन् विवाह

नेपालवाच २०७९ असार २२ गते १२:३५

काठमाडौं । पुर्वमिस नेपाल सदीक्षा श्रेष्ठले विवाह गरेकी छन् । उनी प्रेमी राहुल मोक्तानसँग विवाह बन्धनमा बाँधिएकी हुन् । यो जोडीले मंगलबार राति काठमाडौंमा नेवारी परम्पराअनुसार विवाह गरेका छन् ।

उनीहरुले विवाहअघि सिल्भर ओक रेष्टुरेन्टमा रिसेप्सन पार्टी दिएका थिए । विवाहमा नजिकका आफन्त र परिवारको उपस्थिति रहेको थियो ।

उनीहरुको पार्टीमा पूर्व मिस नेपालहरु र अहिलेको मिस नेपालको ब्याच पनि उपस्थित थिए । रिसेप्सनमा सेलिब्रिटी, मिडिया उद्यमी र व्यवसायी समेत उपस्थित थिए । सदीक्षा र राहुल केही वर्षदेखि प्रेम सम्बन्धमा थिए ।