काठमाडौं । नेपाली चलचित्र ‘दोख’ १६ वर्ष मुनि उमेर भएका बालबालिकाले हेर्न नपाउने भएका छन् । शुक्रबारबाट प्रदर्शनमा आउने उक्त चलचित्र १६ वर्ष मुनिका उमेरसमूहले हेर्न नमिल्ने भन्दै चलचित्र बोर्डले फिल्म एडल्टस् सर्टिफिकेट प्रदान गरेको हो ।

सेन्सर बोर्डका अनुसार सो चलचित्रमा केही प्रयुक्त अश्लील र राजनीतिक शब्द भएकाले त्यसले बालबालिकालाई असर पर्ने भएपछि यसलाई १६ वर्ष मुनिका दर्शकले हेर्न नमिल्ने गरी सेन्सर पास दिइएको छ ।

सविन ज्ञवाली र मनोज अधिकारीले निर्माण गरेको चलचित्रमा दीया मास्के, मनिष निरौला, माओत्से गुरुङ, लोकमणि सापकोटा, राज थापा काउछा, रोय दिभ, कमल देवकोटा, सुरज मल्ल, साजन थापा मगर लगायतको अभिनय रहेको छ ।