कभर पेजमा विनोद चौधरीको तस्बिर राख्दै फोब्स म्यागजिनले लेख्यो, ‘परोपकारका नायक’
काठमाडौं। विनोद चौधरी नेपालीका लागि कुनै नौलो नाम होइन । उनी आफ्नो व्यवसायिक सफलता र परोपकारी कर्मका कारण विश्वभर ख्याति कमाएका छन् ।
विश्व प्रतिष्ठित फोब्स म्यागेजिनले उनलाई भारत बाहेक एक्ला दक्षिण एसियाली डलर अर्वपतिको सुचीमात्र समावेश गरेको छ । त्यतिमात्र होइन, फोब्स म्यागेजिनले आफ्नो एक विशेष अंकमार्फत चौधरीलाई ‘परोपकारका नायक’को उपाधी पनि दिएको छ ।
ग्रुपका अध्यक्ष विनोद चौधरीले २०७२ सालको भूकम्प प्रभावितहरुका लागि चौधरी फाउण्डेसनमार्फत गरेका कामको सम्मानमा फोब्स म्यागेजिनले आफ्नो कभर स्टोरी बनाएको थियो । कभरपेजमा चौधरीलाई समाज सेवाका नायक भनी वर्णन गरिएको हो । फाउण्डेसनले भूकम्प प्रभावित २५ सय परिवारका लागि ट्रान्जिसनल सेल्टर निर्माण गरि भूकम्प पिडितहरुलाई हस्तान्तरण गरेको थियो ।
साथै, भूकम्पले अति प्रभावित भएको सिन्धुपाल्चोको गिरानचौरमा मोडल भिलेज निर्माण गरि हस्तान्तरण गरेको छ । भूकम्पमा परि घर भत्किएका सिन्धुपाल्चोकका ६२ परिवार अहिले सुन्दर घरमा बस्न पाएका छन् । भुकम्प पिडितलाई मात्र होइन, कोरोनाका कहर र अरु वेला पनि देशको स्वास्थ्य सेवामा चौधरी ग्रुपको सामाजिक सेवा गर्ने इकाइ चौधरी फाउण्डेसनले ठूलो सहयोग गर्ने गरेको छ ।
विर अस्पतालमा आइसियु वार्ड, कान्ति अस्पतालमा आकस्मिक कक्षलगायत देशका विभिन्न अस्पतालमा अक्सिजन प्लान्ट स्थापना गर्नुका साथै भेन्टिलेटर लगायतका महत्वपूर्ण स्वास्थ्य सामाग्रीहरु हस्तान्तरण गर्दै आईरहेको छ ।
चौधरी ग्रुपका प्रवन्ध निर्देशक निर्वाण चौधरीले आफुहरु व्यवसाय र समाजी सहयोगलाई संगसंगै लैजानुपर्छ भन्ने मान्यतामा विश्वास राख्ने बताउछन् । साथै व्यवसाय र उद्यमका क्रममा पनि आफ्नो ग्रुपले उच्च शुसासनमा विश्वास राख्ने र सोही कारण अन्तर्राष्ट्रियस्तरमा ख्यातीप्राप्त भएको उनले बताए ।
‘हामी फोहोरी राजनीति होइन, पारदर्शी व्यवसायमा विश्वास गछौं’ प्रवन्ध निर्देशक चौधरीले, ‘नेपाल लगायत अन्तराष्ट्रिय जगतमा हामीले कमाएको प्रतिष्ठा यसकै कारण सम्भव भएको हो ।’ चौधरी ग्रुपले प्राप्त गरेको यस्तो प्रतिष्ठा र सम्मान पैसा र फोहोरी खुराफतबाट प्राप्त गर्न सम्भव नहुने पनि उनले बताए । पारदर्शीता र समाजप्रतिको उत्तरदायी व्यवहारनै आफूहरूको सफलताको मुख्य मन्त्र भएको चौधरीले बताए ।
चौधरी ग्रुप नेपालको एक मात्र बहुराष्ट्रिय कम्पनी हो । यो आफ्नो सामाजिक उत्तरदायित्वका कामका कारण विश्वमा चर्चित रहेको छ ।
प्रतिक्रिया