ओजिल अर्को टर्किस क्लबमा अनुबन्धित

काठमाडौं । जर्मनीका पूर्व अट्याकिङ मिडफिल्डर मेस्युट ओजिल टर्किस क्लब इस्तानबुल बासाकसेहिरमा अनुबन्धित भएका छन् ।
ओजिलले टर्किस क्लब फेनरबाचे छाडेर अर्को टर्किस क्लब इस्तानबुल रोजेका हुन् ।
ओजिलको फेनरबाचेसँग अझै दुई वर्षको सम्झौता थियो । सो तोडर उनी फेनरबाचेकै प्रतिद्वन्दी क्लब इस्टानबुल गएका हुन् ।
३३ वर्षीय ओजिल इंग्लिस क्लब आर्सनल छोडेर गत वर्ष फेनरबाचेमा आबद्ध भएका थिए । टर्किस मुलका ओजिलले फेनरबाचेसँग आफ्नो भावनात्मक सम्बन्ध भएको बताउँदै आएका थिए । तर, त्यहाँ उनले गतिलो प्रदर्शन गर्न सकेनन् । उनले त्यहाँ ३६ खेलमात्र खेलेका थिए ।
ओजिल सन् २०१३ मा स्पेनिस क्लब रियल म्याड्रिडबाट आर्सनल गएका थिए ।
ओजिलले आर्सनलका लागि २५४ खेलमा ४४ गोल गरेका थिए ।
साथै, उनले जर्मनीबाट सन् २०१४ मा विश्वकप जितेका थिए । तर, पछि आफूमाथि जातिवाद हाबी भएको भन्दै उनले २०१८ मा जर्मन राष्ट्रिय टोली छोडेका थिए ।
विश्वकप दाबेदार ८ टोली छानेका मुलरले इंग्ल्याण्डको नामै लिएनन्
ताजा अपडेट
-
स्पेन भ्रमणबाट विकास साझेदारीका प्राथमिकता मुखरित भएको छ : प्रधानमन्त्री
-
विपिन जोशीको रिहाइका लागि पहल जारी राख्न इजिप्टलाई आग्रह गरेको छु : प्रधानमन्त्री
-
मनसुनजन्य विपद : काभ्रेमा हजार बढी घरपरिवार उच्च जोखिममा
-
‘कुलिङ अफ पिरियड’ प्रकरणमा छानबिन समितिका यी हुन् ७ सदस्य ,२१ दिनको समय
-
राप्रपा र रास्वपाले गरे संसद वैठक बहिष्कार
प्रतिक्रिया